Wär simer wemer säge mir

We du über mi redsch

Seisch du me über di als über mi

We du über mi redsch

Seisch du me über di als über mi

Du weisch, wie das geit

Du weisch, wie das geit

Me isch, wasme isst

U me gseht nur, wasme seit

U de fragi mi

Wär het mi das glehrt?

Wüu es git i mir kes Wort

Woni nid scho mau ha ghört

Ey, aso redi ire Sprach

Wo nid mini isch

U i vielne Fäll

No viel weniger dini isch

Und i muess o nid meine

«I meines nid so»

Wenn öper seit

«Sägmer nid so»

De seitme nid so

We du über mi redsch

Seisch du me über di als über mi

We du über mi redsch

Seisch du me über di als über mi

I bi meistens chly näbe mir

I bi eigentlech näbe dir

Wär simer, wemer säge mir?

Wär simer, wemer säge mir?

U itz mau unger üs

«Itz mau unger üs»

Heisst abebroche eigentlech nur

«Iz mau ohni sie»

U mi fragt me nie

«Säg, wo chunnsch du här?»

Nei, mi fragt me immer nume

«Säg, wo geisch du hi?»

Wenn e riiche Maa seit

«Mir sige au gliich»

Meint är fasch i jedem Fall

Ihm sige all gliich

U mir si genau gliich

Wemer nid druf achte

Das bi alles ig

Das bi alles ig

We du über mi redsch

Seisch du me über di als über mi

We du über mi redsch

Seisch du me über di als über mi

I bi meistens chly näbe mir

I bi eigentlech näbe dir

Wär simer, wemer säge mir?

Wär simer, wemer säge mir?

Ja-ja-ja, ja, i ghöre se rede

U sie rede no lang, ja

Ja-ja-ja, ja, u du ghörsch üs rede

U mir rede scho lang

Wär seit was u wär seit nüt?

U weli Stimme ghört me nid?

Ja-ja-ja, ja, wüu sie rede

U sie rede scho lang

We du über mi redsch

Seisch du me über di als über mi

We du über mi redsch

Seisch du me über di als über mi

I bi meistens chly näbe mir

I bi eigentlech näbe dir

Wär simer, wemer säge mir?

Wär simer, wemer säge mir?