រាត្រីទឹកឃ្មុំ

កុំភ្លេចអូនណា... ប្រុសស្នេហាអឺយ!

គ្រាដែលកៀកកើយ ស្នេហ៍តែពីរនាក់

ហេមន្តរដូវ រងាញ័រញាក់

យើងទាំងអឺ! ពីរនាក់ រួមរក្សស្នេហា

អូននៅចាំបាន... ចាំគ្រប់ដង្ហើម

ក្រោមផ្សែងសន្សើម នៃផ្ទៃមេឃា

បងបានលួងលោម ថ្នាក់ថ្នមស្នេហា

ដោយប្រាប់អឺ! អូនថា ស្នេហាលុះក្ស័យ

ឱ! ពេលរាត្រី រាត្រីទឹកឃ្មុំ

អូនស្ទើរស្រែកយំ យំលើទ្រូងប្តី

បងអង្វរអូន ថាអូនកុំភ័យ

ហេតុតែខ្លួនស្រី អូនចេះតែទ្រាំ

កុំភ្លេចអូនណា... ប្តីសំឡាញ់ចិត្ត

សូមបងអាណិត ដល់ដួងចិត្តខ្ញុំ

កុំធ្វើបាបទ្រូង អូនឱ្យរងកម្ម

កុំភ្លេចអឺ! បណ្តាំ អូនណាបងណា

ឱ! ពេលរាត្រី រាត្រីទឹកឃ្មុំ

អូនស្ទើរស្រែកយំ យំលើទ្រូងប្តី

បងអង្វរអូន ថាអូនកុំភ័យ

ហេតុតែខ្លួនស្រី អូនចេះតែទ្រាំ

កុំភ្លេចអូនណា... ប្តីសំឡាញ់ចិត្ត

សូមបងអាណិត ដល់ដួងចិត្តខ្ញុំ

កុំធ្វើបាបទ្រូង អូនឱ្យរងកម្ម

កុំភ្លេចអឺ! បណ្តាំ អូនណាបងណា

កុំភ្លេចអឺ! បណ្តាំ អូនណាបងណា