ចង់បានគូស្នេហ៍ (2023 Remaster)

រដូវខ្យល់បក់ ផ្ការីកស្រស់បំព្រង

ពណ៌ស្រស់ត្រចង់ រីករហង់ក្លិនក្រអូបសាយ

សន្សើមធ្លាក់មកពេលរាត្រី

ក្រោមពន្លឺដួងព្រះចន្ទថ្លៃ

រស្មីស្រទន់ គន់ជាប់នេត្រា

ចិន្ដារីករាយ សប្បាយស្បើយទុក្ខា

ផ្កាម្លិះចំប៉ា រីកសាខាក្លិនក្រអូបសាយ

ធ្វើម្ដេចនឹងបានគូកៀកកើយ

រួមស្នេហ៍រួមស្និទ្ធ ចិត្តឆ្លងឆ្លើយ

ខ្លួនអឺយ! ម៉្លេះសមសប្បាយយ៉ាងណា?

ខ្យល់បក់មក រំភើយ

ត្រជាក់សព្វ អង្គកាយ

ត្រជាក់ក្រៃ ញាប់ញ័រកាយា

ស្រៀវស្រើប អ្វីម៉្លេះទេ

បើមានគូស្នេហ៍ ម៉្លេះបានល្ហែក្នុងចិត្ត

ចេះតែស្រមៃ នឹកមមៃឥតភ្លេច

នឹកឃើញស្នេហ៍ស្និទ្ធ ក្នុងដួងចិត្តរន្ធត់កន្លង

រវើរវាយចិត្តចាំចង

នឹកឡើងនឹកគិត រែងសៅហ្មង

សៅហ្មងក្នុងចិត្ត ចង់បានគូស្នេហ៍

រដូវខ្យល់បក់ ផ្ការីកស្រស់បំព្រង

ពណ៌ស្រស់ត្រចង់ រីករហង់ក្លិនក្រអូបសាយ

សន្សើមធ្លាក់មកពេលរាត្រី

ក្រោមពន្លឺដួងព្រះចន្ទថ្លៃ

រស្មីស្រទន់ គន់ជាប់នេត្រា

ចិន្ដារីករាយ សប្បាយស្បើយទុក្ខា

ផ្កាម្លិះចំប៉ា រីកសាខាក្លិនក្រអូបសាយ

ធ្វើម្ដេចនឹងបានគូកៀកកើយ

រួមស្នេហ៍រួមស្និទ្ធ ចិត្តឆ្លងឆ្លើយ

ខ្លួនអឺយ! ម៉្លេះសមសប្បាយយ៉ាងណា?

ខ្យល់បក់មក រំភើយ

ត្រជាក់សព្វ អង្គកាយ

ត្រជាក់ក្រៃ ញាប់ញ័រកាយា

ស្រៀវស្រើប អ្វីម៉្លេះទេ

បើមានគូស្នេហ៍ ម៉្លេះបានល្ហែក្នុងចិត្ត

ចេះតែស្រមៃ នឹកមមៃឥតភ្លេច

នឹកឃើញស្នេហ៍ស្និទ្ធ ក្នុងដួងចិត្តរន្ធត់កន្លង

រវើរវាយចិត្តចាំចង

នឹកឡើងនឹកគិត រែងសៅហ្មង

សៅហ្មងក្នុងចិត្ត ចង់បានគូស្នេហ៍

ចង់បានគូស្នេហ៍