Жаркыным

Көңүлгө да көңүл тушалып

Көрүшпөс болуп узадык

Көөдөндө калды, а бирок ай

Көксөткөн санаа, кусалык

Байыр алып, жашап башкага

Баш ийип басып наздана

Бактылуу кылып башканы сен

Бактылуу болдуң аз гана

Сагынчым, кантип сезбейсиң

Сезесиң, сен да эстейсиң

Томогоңду үзүп бир ирет

Анда неге келип кетпейсиң?

Агарып таңдын атканы

Кызарып күндүн батканы

Кызыксыз мага өмүрдүн

Өзүңсүз өтүп жатканы