I-ឱ!ព្រះអើយហេតុអ្វីក៏អូនសោកា ទឹកភ្នែកស្រក់ចូលកែវស្រានៅក្នុងបាស្ងប់ស្ងៀមឆោមឆាយ បងអ្នកចម្រៀងបានត្រឹមច្រៀងផ្ញើសៀងពីឆ្ងាយ បើមាសស្ងួនត្រូវសង្សារណាយ បងដាក់កាយស្ពាយទុក្ខ ជួសអូន

II-អារម្មណ៍ដែលគេទុកដូចក្អែលបាតជើង ដូចរស់នៅក្រោមភ្នំភ្លើង ស្នេហ៍ភ្លើតភ្លើនរងទុក្ខកាមគុណ យប់នេះអូនចង់ យំបំបាត់ទុក្ខកប់ក្នុងទ្រូង បើខឹងគេវាយបងមកស្ងួន ឱ្យតែអូនធូរស្បើយចិន្តា

R-ទុកបងជាជ្រញ់ ពេលអូនធុញគ្រាន់កាប់ចិញ្ច្រាំ បេះដូងដែលឈឺប្រេះស្រាំ ពិបាកទ្រាំពាំបៀមម្នាក់ឯង កាប់ចុះព្រលឹង ទោះដល់ឆ្អឹង ក៏មិនបាច់ក្រែង ទុកបងដូចជាជ្រញ់កាប់លេង ពេលអូនបញ្ចេញកំហឹង

III-ទឹកភ្នែកអើយ ហូរចុះមិនទាន់ស្ងួតផង គេនោះចេះលួងចេះលោម អូនក៏ព្រមទន់ចិត្ត ព្រលឹង ថ្ងៃណាខូចចិត្ត បើសិនគេនោះធ្វើឱ្យខឹង នឹកមនុស្សម្នាក់ ធ្លាប់ឈរត្រង់ហ្នឹង ដែលព្រលឹងចាត់ទុកជាជ្រញ់