ريحة هلي

ها يروحي وراحتي وريحة هلي

انت مني وانت بيه وانت الي

شما تشوف عيوني بالعالم بشر

الفراغ البيها يمك ينملي

منو غيرك يستحق هذا الغرام

والمشاعر صعبه يوصفها الكلام

اني قبلك عشت كل ايامي خوف

وصار اماني بحظنك اتطمن وانام

شوف كلبي وداعتك بس انت بي

وابقى بس اني الك وانت الي

واني من كد غيرتي وخوفي عليك

كون اضمك من الناس بداخلي

٫٫٫٫٫

شايف اني انواع واشكال البشر

وشايف انجوم السمه وشفت الگمر

بس مثل وجهك ولا لاكي مثيل

لو اضل اشرحلك اسنين ودهر

وانت يمي اشتاقلك عندك علم؟

و حتى لمن اغفه اريدك بالحلم

انت كلك مالتي وكلي الك

احنه واحد صرنه ثق ما ننقسم

شوف كلبي وداعتك بس انت بي

وابقى بس اني الك وانت الي

واني من كد غيرتي وخوفي عليك

كون اضمك من الناس بداخلي