المكان

‎المكان اللّي جمعنا بالقدَر

‎ردّنا له كنّنا متواعدين

‎ما على بالي ولا بالك خطر

‎نلتقي صدفة و للصدفة ندين !!

‎وقلبي الي مافتح بابه قدر

‎ينفتح بابه وتدخل باليمين

‎يوم غيرك من أمامه ما عبَر

‎و يوم غيري ماجعل قلبك يلين

‎ما دريت وما عطو روحي خبر

‎انك اجمل من صدفت بهالسنين

‎في خفاك وبالعلن كل شي ظهر

‎وكل شك بخافقي اصبح يقين

‎كني الصحرا وأحاسيسك مطر

‎أرتوي بك وانتَ تزهر بي حنين

‎و مالقينا من لقانا أي مفَر

‎و زانت اللّي قلنا عيّت لا تزين !!