អាយុ18ឆ្នាំចូលធ្វើទាហាន

I-ឆន្ទៈ​មនសិកា​ ចិត្តស្នេហាជាតិ​ ក្នុងទ្រូងចង្អៀត​ ជាតិជួប(ឱ!គ្រោះភ័យ​​ )២ដង​ ស្ម័គ្រចូលយោធា​ អាយុ១៨​ រត់ចូលក្នុងព្រៃ​ ពួតដៃ(រួមតស៊ូ)២ដង។

II-មាតុភូមិជួបគ្រោះ​ មោះមុតផ្ដាច់ប្ដូរ​ លះបង់តស៊ូ​ ស៊ូសូន្យ(ឱ! សង្ខារ​ )២ដង​ ប្រឹងប្រែងត្រងត្រាប់​ ច្បាប់ក្បួនសិក្សា យុទ្ធសាស្រ្ត​ខ្លាំងក្លា​ ចេញច្បាំង(ឱ! យកជ័យ)២ដង។

III-ខោពុកឲ្យកូន​ ជាប់ខ្លួនរាល់ថ្ងៃ​ ត្រចៀកផ្ទាល់ដី​ សម្ដី(ពុកផ្ដែផ្ដាំ​)​ ២ដង​ ឃ្លាតស្រុកពុកម៉ែ​ រាប់ខែរាប់ឆ្នាំ​ ជួបហេីយម្ដេចកម្ម​ ឲ្យបែក(អេីយ! ជាថ្មី​)២ដង។

IV-អ្នកម្ដាយស្នេហា​ មហាគុណថ្លៃ​ កុំសោយសោកអី​ កុំបី(ឱ! បារម្ភ​ )២ដង​ កូនមិនចង់ឃ្លាត​ តែជាតិជាធំ​ កូនវិលជួបជុំ​ ពេលជាតិ(បានជោគជ័យ​ )២ដង។