Dagboek Van ‘n Ma

Soms kan ek vir ure net verwonderd na jou kyk

As jy speel en lag van pure plesier

En soms kan ek in stilte net na jou gesiggie kyk

Dan weet ek jy is van bo gestuur

Mamma die tyd gaan gou verby en vinnig word ek groot

Ek wens ek kon nog sit hier op jou skoot

Jou lewenspad is uitgelê en niemand kan dit keer

Om hoog te vlieg dis wat ek jou wil leer

Sweef saam met my

Op die rug van die wind

En ek sal jou wys

Waar jou hart is my kind

Als kan vergaan

Maar my liefde bly staan

Want jou hart

Is aan myne gebind

Ek is hier as jy ʼn vriend wil hê

Wat saam kan lag en huil

Ek is hier ek hou jou altyd vas

En ek sal dit nooit verruil

Ek is hier om elke traan te vee

En alles te kan gee

Ek is hier

My kind, ek is hier

As ek dan eendag weggaan

Na die huis vir jou en my

Mamma sal ek jou altyd onthou

Daar waar ek vir jou wag

Sal jy by my kom bly

Want ek weet

Dat God Sy hand oor jou

Sal hou

Sweef saam met my

Op die rug van die wind

En ek sal jou wys

Waar Sy hart is my kind

Als kan vergaan

Maar Sy liefde bly staan

Want Sy hart

Is aan joune gebind

Hy is hier as jy ʼn vriend wil hê

Wat saam kan lag en huil

Hy is hier, Hy hou jou altyd vas

En Hy sal dit nooit verruil

Hy is hier om elke traan te vee

En alles te kan gee

Hy is hier

My kind, Hy is hier

En ek is hier as jy ʼn vriend wil hê

Wat saam kan lag en huil

Ek is hier ek hou jou altyd vas

En ek sal dit nooit verruil

Ek is hier om elke traan te vee

En alles te kan gee

Ek is hier

My kind, ek is hier

Hy is hier

Mamma, Hy is hier

En ek is hier

Vir altyd is ek hier