自頭講起

玉女，細漢時我佇厝內便所看過親像蠟去做的玉女，目睭金金掠我看，敢若袂講話，等我搝阿母來的時都看無影矣。

 阮兜徛佇民雄的火燒庄，是風吹田洋的所在，夜官、羅漢、菩薩、水流媽抑是侯爺，攏是我記持中的正神、野神、孤魂、逐工相照面的阿伯、阿姆，浪溜嗹開全拖的司機。

 彼時我常常踏孔明車，綴大溝踅規个庄頭。日時，庄頭是正神的時辰，暗時，庄頭是野神和孤魂的巡場。講驚是會驚，但是閣較濟，野神和孤魂攏是庄跤自本生成有的。

 這是我寫予故鄉的歌，寫予火燒庄的歌，寫予所有受難孤魂的歌。