Veni A Pusà

Di punta à u mare Tirrenu

Ci stà un paese inariulatu

In li so cuntorni verdicenti

Ci campanu i mei

Quelli chi sò smarriti elli

Dormenu in campusantu

Veni à pusà accant’à mè

Veni à pusà, fammi u piacè

Mentre chi u veranu spalanca l’usciu

Frà mille colori mi ci rivecu zitellu

Accant’à Mamma

Accippatu arrent’à fiume

U mulinu di Babbone lenta una chjama

Veni à pusà accant’à mè

Veni à pusà, fammi u piacè

Oghje mi trovu in lu Pentetu

È feghju à l’insù

Incappelatu d’un nulettu biancu à l’ora di e sciappittane

U monte San Anghjuli, briacu di sole,

Manda basgi à l’isule tuscane

È à le volte dice anch’ellu…

Veni à pusà accant’à mè

Veni à pusà, fammi u piacè

Veni à pusà accant’à mè

Veni à pusà, è canta cù mè