គំរាមបេះដូង

1/ ដាក់កំហិតខ្លួនឯង ឈប់លលេងប្រឡែងល្បែងស្នេហា

ឈឺច្រើនលើកច្រើនសា ឆ្ងល់ខ្លួនឯងហេតុអ្វីមិនចេះចាំ

ទាំងដឹងឮគ្រប់យ៉ាង គេតែងតែបំពាន

ម្តេចនៅស្រេកឃ្លាន សុំនៅក្បែរគេ

2/ ស្មោះរហូតអស់ថ្លៃ ទើបលែងមានតម្លៃក្នុងចិត្តអូន

អត់ធ្មត់គ្រប់អស់ក្បួន មិនអាចទាញឱ្យស្ងួនឈប់សាវា

រឿងនេះបើរ៉ាយរ៉ាប់ បានត្រឹមតែទឹកនេត្រា

មានតែសម្រេចថា កាត់ផ្តាច់និស្ស័យ

R/ គម្រាមបេះដូង ពីថ្ងៃនេះឈប់ល្ងីល្ងើ

បើបេះដូងឯងនៅស្ទើរ ធ្វើភ្លើកុំចង់មានស្នេហ៍អី

គម្រាមបេះដូង ត្រូវឈប់ទាក់ទង ឈប់ចាញ់ល្បួងលួងលោមថ្លៃ

គ្មានស្រី ក៏យើងអាចរស់នៅបាន

3/ បើមិនចង់ដាច់ខ្យល់ បេះដូងអើយកុំខ្វល់ពីគេអី

នៅឱ្យស្ងៀមទៅថី ចាំបាច់អីលោតញាប់សន្ធាប់ច្រាល

កុំគិតថារឿងធ្ងន់ ដកបន្ទុកឱ្យធូរស្រាល

ថ្ងៃក្រោយលែងឈឺក្បាល ព្រោះស្នេហានេះ