бадамлянхуа

Агаар үгүй бүгчимд

Ахиад үл эгшиглэх хөгжим

Асуултын тэмдэг чи гол хүч нь

Эргэлзэх хэрэггүй мөчид

Ахин давтагдашгүй төрхөд

Төсөөлөлдөө хэт автан төөрсөн

Сэтгэлд минь хурсан үүлнээс

Хэлбэргүй бороон дуслууд

Хоосон орон зайг бүрхэн

Хацрыг минь даган урсана

Би тэнгэрт унана

Удаанаар уушгиндаа

Уртаас урт төмөр агаар

Амьсгалаад хар дарсан

Хараагдсан зүүдээ харсан

Ертөнцийн эрчим хүчийг

Өөртөө татан цугларуулаад

Цаг хугацааг ухрааж

Урагшлуулан зогсооно

Бадамлянхуа цэцгийн дэлбээг

Хэлэн дээрээ тавихад

Алсын хол хязгаарт

Бодол минь аялан тайвширна

Би хүчилд автана аа

Сэтгэлд минь хурсан үүлнээс

Хэлбэргүй бороон дуслууд

Хоосон орон зайг бүрхэн

Хацрыг минь даган урсана

Би тэнгэрт унана