迴谷的話 (Ending)

Tangasa satu anini ira, mikuli tu ku mikuliay, misiyakay ku misiyakayay

awa:ay tu ku masakapahay nina niyaru'

Sakasaan iri saka'urip nu tamdaw a maanen tu

Nika anu pilisin:an tu nu Ciwidian, pihahayan tu nu Ciwidian

aruma:emin kina riwawa, lipahak sa tu ku matu'asay makamelaw tu wawa

U keru han tu keru, u radiw han tu radiw, namakaini niyaru' i titaanan u nu matu'asay nu rayray nu Ciwidian

nu aniniay a wawa iri, ira tu kiya mavukilay a sumuwal

iraay mavukilay a rumadiw mi a makeru

mahiay ira ku demak mararum ira u kami matu'asay tu wawa haw

Anu mahaen aca iri, simsim han namu wawa haw

Anu ira aca kiya u lawad, anu u hia kataluma' tu maemin haw

Masadutucen ku rakat nu matu'asay namu itiya, dutucen ku radiw ku keru atu suwal nu matu'asay

Makapah tu ku ngangan nu mita u Ciwidian, a madudu tu ku vunka nu mita u Ciwidian tangasa i da’uc