الأبام تجمعنا

كرهت الحل والترحال

ترا هالبعد ليله طال

تعبت اكذب اشواقي

وانا واقف على الأطلال

متى الايام تجمعنا

وتنسينا مواجعنا

متى الأفراح تغمرنا

متى تتبدل الأحوال

حبيبي ماقسى فوادي

ولو طول بي أبعادي

لك بوادي وانا بوادي

اعيش الهم والغربال

مابين اغيب وانتظرك تبكينا مواجعنا

تعبت اشيد أحلامي واقول الوقت يجمعنا

،،،،،،،،،،،،،

اظن اللي حصل كافي

نحاول والزمن وافي

لعب في وصلنا السافي

قطع في وسطنا الأمال

انا برحل وبي ترحل

نفارق نبعد ونرحل

نفارق والفراق الحل

لونه قاسي وقتال

وقلبً نلته بيمناك

يموت ولا قدر ينساك

بيبقى عايش بذكراك

يزول العمر لك مازال

حلفت اني ماعاد ارجع لو الفرقا تبكيني

على جرح الهوى وال أه معاد الصدق يمديني