Сен барда

Сен барда баары кулпурат

Гүлдөр да сага умтулат

Аларга сезилесиң бакыттай

Сен менен дүйнө жылмайат

Теребел тегиз нурданат

Табият дагы сага ашыктай

Мага окшоп ал да сага ашыктай

Эй, жароокер уялынкым

Жан биргем ынагымсың

Жылт эткен жылдыздай көрсөм деп эңсеткен

Жүрөктү эң назик арзууга терметкен

Сен менин кубулжуган ырларымсың

Сен мага кубат берген жыргалымсың

Өзүңдү көрсөм, кубанам

Кубанбай кантип тура алам

Мен күткөн асыл адам сен болсоң

Эрүүгө чындап толмокмун

Мен эң бактылуу болмокмун

Эгерде өзүң мага тең болсоң

Түбөлүк өмүр жарым сен болсоң

Ак шоолам алтын айым

Мен кантип жашырайын

Бүркөлгөн кабакты жаркыган жаз кылган

Бүтпөгөн махабат дастанын жаздырган

Нур чачкан жан дүйнөмө асыл айым

Шооланды өмүрүмө чачылайын

Ак шоолам алтын айым

Мен кантип жашырайын

Бүркөлгөн кабакты жаркыган жаз кылган

Бүтпөгөн махабат дастанын жаздырган

Нур чачкан жан дүйнөмө асыл айым

Шооланды өмүрүмө чачылайын