Цаг хугацааны хаалга

наа наа наа наа наа наа

Шөнө дундын хонх шиг одод жингэнэж

Шинэ эхлэл, дарс шиг амтагдана

Миний гарт чиний гар шурган ороод

Чиний харцанд би бүхлээрээ ууслаа

Хайрын шивнээ, цастай хамт будрахад

Хамтдаа бид хуучин дурсамжуудаа үдлээ.

Цаг цохиж цоо шинэ эхлэлийг урин авчрахад

Цангинах ерөөл, халуун тэврэлтээр бид угтлаа.

Шинэ жилийн үдэш хайрын тодхон оч шиг

Харанхуйг асаахаар гэрэлтэх ид шид шиг

Миний хажууд дахин үлдсэн чамтайгаа

Цаг хугацааны шинэхэн хаалгаар алхан орлоо

Сарны гэрэл хацрыг чинь үнсэх шиг

Чамаас тодхон гэгээ цацарна, энэ үдэш

Зүрхний цохилтууд нэгэн аялгуунд нэгдлээ

Зүүдэн сартай хорвоо дүүрэн жаргалд ууслаа

Шинэ жилийн үдэш хайрын тодхон оч шиг

Харанхуйг асаахаар гэрэлтэх ид шид шиг

Миний хажууд дахин үлдсэн чамтайгаа

Цаг хугацааны шинэхэн хаалгаар алхан орлоо

Хээнцэр гэрлүүд энд тэндгүй бүжиглэж

Хээтэй орчлонгийн өнгө будгийг нэмжээ

Хайрын үгс, гэгээн ерөөлүүд энд тэндгүй нисэлдэж

Цаг хугацааны хаалгыг бид цоо шинээр нээлээ

Хайрын шивнээ, цастай хамт будрахад

Хамтдаа бид хуучин дурсамжуудаа үдлээ.

Цаг цохиж цоо шинэ эхлэлийг урин авчрахад

Цангинах ерөөл, халуун тэврэлтээр бид угтлаа.

Шинэ жилийн үдэш хайрын тодхон оч шиг

Харанхуйг асаахаар гэрэлтэх ид шид шиг

Миний хажууд дахин үлдсэн чамтайгаа

Цаг хугацааны шинэхэн хаалгаар алхан орлоо