แม่ฮ้างซาวปลาย

มาเห็นหุ่นแม่ฮ้าง วัยระหว่างซาวปลาย

สายตารายงานใจ ว่าจ๊าบหลายกว่าวัยรุ่น

ไผน้อวุ่น มาซูนกายแล้วห่าง

มอบมงกุฎแม่ฮ้าง เป็นของต้อนดอกก่อนวัย

ไผว่าฮ้ายอ้ายสิว่านางดี

เอิ้นเทพีซาวปลาย ฮ้างบ่อนใด๋สิคอยแก้...

มีคนเทคแคร์ซ่อมแผลใจให้แล้วหรือยัง

ชีวิตคู่พังเจ็บแล้วยังก้มหน้าอาย

วัยใกล้สามสิบที่บ้านเฮาเอิ้นว่าซาวปลาย

โลกบ่น่าใจร้าย ให้เรือหัวใจเจ้าอับปาง

ปลอบใจนางมันบ่ห่างคือกะทอบ่

แกล้งยอสาวเรียน ม. สวยบ่สู้นาง

สาวส่ำน้อยเทียมฟอร์มแล้วก็ยังห่าง

ภาพรวมน้องนาง ยังบ่ฮ้างจักหม่องเลย

คนหยันเย้ยว่านาดอนถืกส่าว

ย่างไปไสห่วงเจ้า มีคนเว้าใส่ใย

สำหรับอ้ายบ่ได้คึดคือเขาพร้อมสิเอาแรงใจ

ไปส่งเสริมยามนางท้อ...

ติดยี่ห้อแม่ฮ้างยังไฉไล

หุ่นซาวปลายยังใส่ยีนส์ได้ลงตัว

ใส่เสื้อยืดดำมองแล้วทำให้ใจเต้นรัว

ขาดสามีอนอัวทูนหัวยังอวบอั๋น

แข่นอั้นตั้นเป็นตาคั้นเต็มสตรีม

บ่มีบ่อนถิ่มเศษรอยยิ้มยังชวนฝัน

สบตาไกลไกล อ้ายหายใจแทบบ่ทัน

เจ้าสวยเต็มขั้น อ้ายยืนยันจากใจ

ขาดผู้ใกล้ เจ้าทำใจได้แล้วบ่

มีแล้วบ้อผู้ช่วย ยามน้องคึดหลาย

ขอสิทธิ์อ้าย ได้มาส่อยไล่ความเหงา

เป็นเจ้าสาวซาวปลาย นั่งเคียงพาขวัญอ้าย...