اكسجين الحياة

سريت بالجيب زادي كرز دخاني

مدري على وين لأكن طاعني جيبي

اشعر بضيقة وكني برض وحداني

تصبح عليه هواجيسي. وتمسيبي

شرود ذهني وتفكيرن تبلاني

تفكير سلبي معاقبني ومبطيبي

اشعر بنوبة هلع وحيان عدواني

وتاخذني همومي الغبراء وتقفيبى

والنوم حرم يصاحبني وما جانيي

وتركني الليل اسريبه ويسريبي

مدري مع الناس ولا عالمن ثاني

لاصارت أحزاني وهمي معازييبي

مريوش العيان ليته جالس وزاني

ليته يحس بمعانتي ويدريبي

انت أكسجين الحياة وسحر رباني

قربك سعادة وبعدك فيه تعذيبي

أسرتني وانتهقت حقوق الإنساني

من شاف حالي مغير يقول ياشيبي

حبك عزلني عن العالم وخلاني

أضيع اتجارتي وهملت ترتيبي

حكمتني حكم نازي حزب الالماني

من بعد ضرب الرصاص بنار ترميبي

ماني يهودي ولا جدك بنصراني

سلم العرب للاسير يعامل بطيبي

ارحم اسيرن شرابه مر الاحزاني

لا تتركة يلفض الأنفاس وتغيبي