كلنا نحب دبي

يا حبٍ عاش فيني حي

وحب ٍزاد عمري ضي

أنا الي بحتفل فيها

وحبيبة روحي بس دبي

غلا عايش وباقي دوم

سكن في روضه بنت مكتوم

دبي عشق وغلا روضه

قبلها وما بعدها شي

( حبيبة روحي بس دبي)

ضياها من ضيا الغالي

أبويه الي على بالي

يمر طيفه بلياليها

كأنه للحياة الماي

غرس حب وغلا فيني

من اول يوم ف سنيني

أنا اعشقها وانا أهواها

وحبيبة روضه هذي هيه

(حبيبة روحي بس دبي)

أنا أعشقها محبه وشوق

بعيني دايمٍ هي فوق

ولو عنها اسافر يوم

ثواني السفره جمر وكي

بعيد الحب أغنيها

قصايد في معانيها

وهي طبعاً بعيني غير

حبيبة روحي بس دبي