我有個夢 (《我們的青春日誌》音樂劇歌曲)

我細個嗰時曾經諗過 我大個嗰時可以寫歌

用歌曲感動每一個 不過我媽咪曾經講過

話我知呢個諗法太傻 其實我應該專心溫功課

曾經幻想過未來 而家先知道大概 現實往往係夢想嘅障礙

我細個嗰時曾經想過 我大個嗰時可以踢波

為港爭光大球場入次波 不過我爹哋曾點醒我

我都知呢個諗法太傻 不如踏實啲好過

曾經我憧憬未來 而家都知道大概 現實往往係夢想嘅障礙

我有個夢 從前遊蕩在夢寐的天空

青春本應能讓我掉下負擔去衝 但過往的夢

猶如沉沒在現實的操縱 只想再繼續發夢

我冇幾耐前曾經諗過 大個嗰時開班教拍拖

我想喺新界田園靜靜過 我想我有天完全可打破

上山峰紀錄不怕折磨 追尋願望就不枉過

曾經我想嘅事情 如果可以俾我任性 實現往往係夢想嘅證明

我有個夢 從前遊歷在夢寐的天空

青春確實能讓我掉下負擔去衝

過往的夢 猶如沉沒在現實的操縱

不甘我要被現實作弄

我這個夢 我會用兩手悉心的栽種

披荊斬棘都仍然是為著夢想去衝

我這個夢 總會成全在翌日的青空 他朝你會被感動

深信這個夢 青春的美夢 終有天會得到你認同