សាំតាប៉ិជិតផ្ទះ

(ស្រី) សាំនឹងតាប៉ិមួយជិតផ្ទះ សប្បាយហេះៗខុសឯងខុសគេ ខែភ្ជុំមិនទៅវត្តទេស្រវាឡាបយេ

សារេសាច់ក្លែម ធុងបាស់ចាក់ឱ្យទ្រហឹង ប្រឹងស្រែកជំទាលក្តែងៗ ផឹកស៊ីដល់ថ្នាក់គេសែង

នៅអួតខ្លួនឯងគ្រាន់បើគ្រប់រឿង នៅអួតខ្លួនឯងគ្រាន់បើគ្រប់រឿង

(ប្រុស) នែ !ធុញនឹងយាយប៉ិមួយជិតផ្ទះ កាចដូចរន្ទះចិត្តខ្លាំងដូចខ្លា ក្រមុំចាស់គ្មានអ្នកស្នេហា

ទើបខំឡូឡាធ្វើឫកឡើងសឿង មិនចេះសង្វេគខ្លួនខ្លះ ឡើងខ្មើតកាចឆ្នាសគ្រប់រឿង សម្លឹងសម្លក់សឿងព្រឿង

មកតាមរករឿងដូចខ្ញុំប្តីគាត់ មកតាមរករឿងដូចខ្ញុំប្តីគាត់

(ស្រី) ខែភ្ជុំគេសង្រួមចិត្ត មិនមែនស៊ីផឹកសប្បាយឈូឆរ អស់ស្រាថ្នាំចូលស្រាស សប្បាយចាក់កមិនគិតទៅវត្ត

ដូនតាគាត់ចាំមើលផ្លូវ កូនចៅធ្វើបុណ្យជូនគាត់ បើស្រវឹងឆ្កែលិឍមាត់ ប្រយ័ត្នត្រូវគាត់ដាក់បណ្តាសារ អាណិតដូនតាគាត់ចាំមើលផ្លូវ

(ប្រុស) ស្វាងចែសដូចគេចាប់ទះ ព្រលឹមថ្ងៃរះស្អែកខ្ញុំទៅវត្ត មាននំអន្សមនំបត់មានទៀនមានធូបមានបាយសម្ល

ទៅធ្វើបុណ្យជូនដូនតា ឧទ្ទិសផលដ៏បវរ លោកសេពសោយដោយអំណរ រួចហើយឱ្យពរដល់កូនចៅផង មួយឆ្នាំមានម្តងកុំភ្លេចទៅវត្ត