ព្រាត់ប្រុសស្នេហ៍

ឱ!ព្រះបិតា សម្លាញ់កូនអើយ

ម្ដេចឡើយដាក់ទោស កូនធ្ងន់ម្ល៉េះណា

ឱ្យកូនមកជួប នឹងជាតិមនុស្សា

ភពពេញដោយការ ផ្តន្ទាឈ្នានីស

ឱ!ប្ដី សម្លាញ់ម្ចាស់អូនអើយ

ម្ដេចឡើយ ក្លាយជាថ្មដូច្នេះ

កម្មអ្វីពៀរអ្វី តាមប្រលេះ

ទ្រូងអូនបែកប្រេះ ឥឡូវហើយ

ឃើញទេ! ឃើញទេ នេះហើយឬ

អំពើដែលឯង បានដល់ត្រើយ

ឯងបាន ជួបជុំ នឹងគ្នាហើយ

ម្ដេចឡើយ សងគុណរបៀបនេះ

បើចិត្ត ឯងពិតពាលឃោរឃៅ

សម្លាប់អញទៀតទៅ

សម្លាប់អញទៀតទៅ តាមប្រាថ្នា

បើបង ស្លាប់ចោលអូនទៅហើយ

អូនមិននៅឡើយ រស់ឯកា

អូនស៊ូ បោកខ្លួន ក្រោមបាទា

លុះសូន្យសង្ខារ ជាមួយបង

បងអើយ យកអូនទៅផង

បងអើយយកអូន ទៅផង៕