夜官

自一九四七年開始，一直到解嚴。阮庄仔外有一條橋，夜官巡場的時，攏會對彼條橋過，過橋了後，有規山坪的墓仔埔，阮毋知影，內底埋的到底是誰？ 

 

有時陣，夜官會出聲，親像銃聲，親像風聲，嘛親像，咧哭的聲，庄內的人講，遐較早是戰場，是共人銃殺的所在，也有人講，遐較早捌著火燒，一个庄頭燒佮無去，是因為炸彈的關係。

 這兩个風聲，全攏有影，住佇遐的人，是一群有路無厝的人，予人放捒佇遐。夜官共安慰、共照顧，佇遐自由自在、無病無疼，若是思念親人，夜官，就會𤆬亻因來過橋。