បុប្ផាអណ្តែតតាមទឹក

បុប្ផាស្រស់រីកនៅក្នុងសួន នឹមនួនសប្បាយពេកក្រៃ

ផ្កាក្តាំងងា កុលាប ចំប៉ី ចោលក្លិនក្រអូបសព្វសាយ

កន្លង់ហើររហង់ចង់ក្រេបផ្កា ព្រោះគន្ធាឈ្ងុយឈ្ងប់ក្រៃ

ហើរឆ្វៀលឆ្វាត់ក្រេបយកក្លិនស្រី រួចប្រល័យតាមគង្គា

បុប្ផាស្រស់រីកនៅក្នុងសួន នឹមនួនសប្បាយពេកក្រៃ

ផ្កាក្តាំងងា កុលាប ចំប៉ី ចោលក្លិនក្រអូបសព្វសាយ

គង្គាហូរទៅនាំបុប្ផាទៅឆ្ងាយ ឆ្ងាយដាច់អាល័យ

ចោលកន្លែងធ្លាប់នៅរាល់ថ្ងៃ ស្ទើរក្ស័យក្នុងទឹកល្អក់ខ្វល់

បុប្ផាស្រស់រីកនៅក្នុងសួន នឹមនួនសប្បាយពេកក្រៃ

ផ្កាក្តាំងងា កុលាប ចំប៉ី ចោលក្លិនក្រអូបសព្វសាយ

ទឹកអឺយ! ហូរអ្នកទៅ ហូរអ្នកហូរទៅ កុំត្រឡប់មកវិញឡើយ

ព្រោះបុប្ផាអស់សម្រស់ហើយ គ្មានឡើយសោកស្តាយស្រណោះ