احب البحر

"أحب البحر.. لكن قالوا ان البحر ذا غدار..

ولكني أحبه رغم ما قالوا وما يحكون ..!

أحبه صدق والله صار حبي له من الأقدار

ولا حد من قدَر يفلت وما هو في القدر مضمون

ووجه البحر صافي مثل بعض الساسة الشطار

ولكنْ قلبه الله يعلم اللي داخله مكنون ..

وعين البحر تدمع مثل من يبكون باستمرار

وهل من عقل عند اللي ضحك واللي معه يبكون

وطعم البحر مالح ليش قُل يا شبلنا المغوار

لأنه دمع كل احبابنا الماضون والباقون ..

وقاع البحر فيه العلم والأعلام والأخبار

وفيه أسرار لكن وين قاع البحر يا محسون

آشوف البحر متغير وحال الناس في اْتْغيار

ومن يفرح شوية شوف باكر وان ذا محزون

وحال الدهر مثل البحر ما يخفى على البحار

ولكن قد يخوضه غير ذي ما مركبه موزون

يظن انه على كل المسائل والحيل قدار

ولكن يكتشف من بعد كم كان الحذر مسنون

وكم لا بد يتعقل ويأخذ تجربة وافكار

ويتأنى ويدري كم كبار القوم يتأنون

وصنعاء بَر ما مثله وجملة أهلها أبرار

ولا تستاهل إلا كل من في حبها محنون

ولا تستاهل إلا الخير من عشاقها الأخيار

وتستاهل فتى الفتيان ذي في عِزها مفتون"