Ey Dost, Canan Səni Çaşdırdı

Sən çaşmaz idin ey dost Canan səni çaşdırdı

Düşdün elə dövranə dövran səni çaşdırdı

Eşqin qapısın açdın bir nazlı gözəl seçdin

Oldun ona sən aşiq məcnunu ötüb keçdin

Əlbət gecənin yarı Cananla şərəb içdin

Canan səni aldatdı şeytan səni çaştdırdı

Sən çaşmaz idin ey dost Canan səni çaşdırdı

Düşdün elə dövranə dövran səni çaşdırdı

Atdın o gözəl yarı yad afətə aldandın

Seçtin elə sən yolki şan-şöhrətə aldandın

Əvvəl kasıb oğlandın var-dövlətə aldandın

İnsanlığa göz yumdun imkan səni çaşdırdı

Sən çaşmaz idin ey dost Canan səni çaşdırdı

Düşdün elə dövranə dövran səni çaşdırdı

Qeyzi eliyən məcnun öz sevdiyi Leyladı

Allah o həqiqətdi fərz eyləmə röyadır

Bu eşqi-məhəbbətdi bir dalğalı dəryadı

Düşdün sən o dəryaya tufan səni çaşdırdı

Sən çaşmaz idin ey dost Canan səni çaşdırdı

Düşdün elə dövranə dövran səni çaşdırdı

Dünya yaranan gündən yar aşiqə həmdəmdi

Aşiq yəni pərvanə Cananda ona şəmdi

Sevmək nədi bilmirsən o başqa cür aləmdi

Eşqin ovuna çıxdın ceyran səni çaşdırdı

Sən çaşmaz idin ey dost canan səni çaşdırdı

Düşdün elə dövranə dövran səni çaşdırdı

Təklik elə aləmdi yoxdur ona həmxanə

Həmxanə yoxundursa yıxacaq səni qəmxanə

İndi başa düşdün sən qaldın niyə tək danə

Dostlardan uzaqlaşdın düşman səni çaşdərdı

Sən çaşmaz idin ey dost canan səni çaşdırdı

Düşdün elə dövranə dövran səni çaşdırdı

Kim haqqa tərfdardı nə üçün başa düşmürsən

Allah o kəsə yardır nə üçün başa düşmürsən

Çaşmağına səbəb vardı nə üçün başa düşmürsən

Çünki xəyalın xamdı hər an səni çaşdırdı

Sən çaşmaz idin ey dost canan səni çaşdırdı

Düşdün elə dövranə dövran səni çaşdırdı