ដៃអូនទំនេរទេ?

I.ឆ្នាំនេះដៃអូនទំនេរទេ? បើសិនទំនេរបងខ្ចីបណ្តើរសិន បណ្តើរទៅវត្តថ្ងៃដាក់បិណ្ឌតើស្រស់មាសឆ្អិនអូននាងអើយព្រមទេ ស្រឡាញ់បងកុំស្រឡាញ់គេ បើសិនអូនបានអើយទៅគេ មាសមេហ្អើយបងដេកយំឱ!ស្តាយក្រោយ អូយ…ហាអូ…

II.ហេ…ខែភ្ជុំនាងហ្អើយគេទៅវត្តឯបងកម្សត់នាងហ្អើយព្រោះអត់គ្នា មេឃរលឹមខ្លួនបងក៏រងាចង់បណ្តើរពុំងាទៅវត្តឱ!ពីរនាក់ សន្សើមធ្លាក់មកត្រជាក់ៗ ជិះអាសង់កូរ៉េឱ!ពីរនាក់បណ្តើរវល័ក្ខណ៍ទៅបោះឱ!បាយបិណ្ឌ អើយ…

III.ក្រមុំស្លៀកហូលហើយនាងពាក់អាវផ្កា ពានាក្រមាថាអូនសមអើយសម ចាំមើលដាច់ខែបងទៅប្រាប់ចាស់ទុំ ទៅដណ្តឹងម៉ុមយកធ្វើប្រពន្ធហើយ អើយ…ហាអើយ…

Hook.

គិតលេងៗបងស្រមៃលេងៗ មិនដឹងអូនឯងយល់ព្រមដែរអី បើសិនok ដៃទំនេរមិនថាអី បងសុំកាន់ដៃខ្ចីអូនបណ្តើរសិន អូយ…ហាអើយ…សុំបណ្តើរថ្ងៃភ្ជុំ សុំអូនរៀបការ

*កំលោះគ្នាយើងចែវគាស់ៗ គ្រលែងគន្លាស់អុំទូកអ្ហើយទៅវត្ត ជូននាងក្រមុំអូនស្លៀកសំពត់បត់ជូនអូនទៅវត្តៗឱ!ថ្ងៃភ្ជុំ អើយ ហាអើយ…ទៅវត្តថ្ងៃភ្ជុំ បើដៃទំនេរ បងខ្ចីបណ្តើរសិន