ផ្ញើកងចងដៃ

ផ្ញើកងចងដៃស្រីថ្លៃស្នេហាអើយ

តាមពាក្យអូនទារបងមិនហ៊ានខាន

ទោះក្រដល់ថ្នាក់ បុណ្យស័ក្ដិជាស្មៀន

ខំរកឱ្យបានផ្ញើជូនស្រីថ្លៃ

បើអូនយល់ថាកងជាដួងចិត្តអើយ

តំណាងពាក្យពិតជាកងនិស្ស័យ

ជាញើសជាសាច់ បងប្រឹងរាល់ថ្ងៃ

ពាក់ហើយអាល័យដល់រូបបងផង

បណ្ដាំប៉ុណ្ណឹង គួរដឹងគួរចាំ

មិនបានមួយឆ្នាំអូនប្រែបែរខ្នង

ពេលជួបមុខហើយ ព្រងើយដាក់បង

ត្បូងពេជ្រដាំកង ក៏មិនចេះស្ដី

បើកងវាចាប្រាប់ថាមានម្ចាស់អើយ

ម្ល៉េះអូនកាត់ខ្មាស់ដូចនាងកង្រី

តែផ្ទុយទៅវិញ អូនមានគូថ្មី

បណ្ដើរធ្វើហីឱ្យបងក្អួតឈាម

បណ្ដាំប៉ុណ្ណឹង គួរដឹងគួរចាំ

មិនបានមួយឆ្នាំអូនប្រែបែរខ្នង

ពេលជួបមុខហើយ ព្រងើយដាក់បង

ត្បូងពេជ្រដាំកង ក៏មិនចេះស្ដី

បើកងវាចាប្រាប់ថាមានម្ចាស់អើយ

ម្ល៉េះអូនកាត់ខ្មាស់ដូចនាងកង្រី

តែផ្ទុយទៅវិញ អូនមានគូថ្មី

បណ្ដើរធ្វើហីឱ្យបងក្អួតឈាម