ملك قلبي - بندر الحمود

هلا بالي ملك قلبي هلابك يانعيم العود

هلابك دامني اهواك وغيري لا يهمونك

تعال اجلس بسولفلك عن ايامي عن الموجود

تعال اجلس هنا يانور عيني تسلم اعيونك

احبك حب صادق وال مشاعر في هواك شهود

احبك لا تخليني وكل الناس يفدونك

حبيبي طيفك يداعب ليالي من هبيب النود

اشوفك كل لحظاتي بخيالي ترسم فنونك

تعال ارجوك ساعدني انا ايامي بدونك سود

وخذ يدي مادام اني بدنيا الحب مجنونك

انا ياروح روحي فيك غرامك صار لي مقصود

ابي اكتب على صدري حرام أعيش من دونك

انا وافي معاك والحب عندي لك بدون حدود

تفنن لايهمك شي وداعبني على هونك

لك احساسي لك اشعاري لك اللي تطلبه وزود

لك احساسي على صوت الوتر ترجملي شجونك