Ae Watan Ke Sajeele

اے وطن کے سجیلے جوانو

اے وطن کے سجیلے جوانو

میرے نغمے تمہارے لیے ہیں

میرے نغمے تمہارے لیے ہیں

اے وطن کے سجیلے جوانو

سرفروشی ہے ایماں تمہارا

جرتوں کے پرستار ہو تم

جو حفاظت کریں سرحدوں کی

وہ فلک بوس دیوار ہو تم

اے شجاعت کے زندہ نشانو

میرے نغمے تمہارے لیے ہیں

میرے نغمے تمہارے لیے ہیں

اے وطن کے سجیلے جوانو

بیویوں، ماوُں، بہنوں کی نظریں

تم کو دیکھیں تو یوں جگمگائیں

جیسے خاموشیوں کی زباں سے

دے رہی ہوں وہ تم کو دعائیں

قوم کے اے جری پاسبانو

میرے نغمے تمہارے لیے ہیں

میرے نغمے تمہارے لیے ہیں

اے وطن کے سجیلے جوانو

تم پے جو کچھ لکھا شاعروں نے

اس میں شامل ہے آواز میری

اُڑ کے پہنچو گے تم جس افق پر

ساتھ جائے گی پرواز میری

چاند، تاروں کے اے رازدانو

میرے نغمے تمہارے لیے ہیں

میرے نغمے تمہارے لیے ہیں

اے وطن کے سجیلے جوانو