ببقى

تبطي تلاقي مثل قلبي يا حبيبي بدنياك

ياللي الخيانه واضحه ، وْباينه في عيونك

بالحالتين إن رحت ، وإلا إن جيتني حيّاك

صدّقني ما توقف حياتي يا حياتي بدونك

المرجله إنّي رغم حبي لك قرّرت أنساك

وأنسى رداك وعشرتك وم أهتم في شئونك

كل الغلط من قلبي حب مثلك لين علاك

إتصدق أصلاً إنت تستحق من يخونك

ببقى أنا ، ببقى معاك ، أبقى أنا وبلياك

حتى ولو صحراي تفقد الكرم من مزونك

مثل الذهب صافي أنا مثل الذهب ويّاك

يإللي مع الأيّام غيّرت طبعك ، ولونك