ទឹកភ្នែករំចង់

អាសូរ រំចង់បាត់បង់ស្វាមី ព្រាត់ពីដួងហឫទ័យ ឲ្យស្រីចំបែងឯកា គេវាយដំបង្ខំឥតក្តីមេត្តា ឱ! រំចង់បុប្ផាគ្រាំខ្លោចផ្សារីងរៃ មិនត្រឹមខ្លោចផ្សាតែឯកាកាយ ភារៈនាងជាម្តាយ ពរបុត្រឆោមឆាយក្នុងផ្ទៃ នាងត្អូញថាឱះឱ! ស្វាមី បានដឹងដែរឫអី? ទុក្ខស្ទើរក្ស័យរបស់ខ្ញុំ នៅក្នុងគ្រាដ៏សែនទារុណ បើសិននាងបាន រូបប្រុសប្រាណមករួមនោរម្យ ប្រហែលជាកើតក្តីសុខុម ព្រោះបានជួបជុំ ប្តីកំពូលដួងចិត្ត លើកហត្ថបួងសួងសូមអស់ទេវតា សូមលោកជួយមេត្តា ដឹកនាំវាសនាឲ្យបានជួបជិត នឹងគូគាប់ជាប់អស់មួយជីវិត បានរួមក្តីស្នេហ៍ស្និទ្ធ លុះដល់គ្រាអវសាន្ត លើកហត្ថបួងសួងសូមអស់ទេវតា សូមលោកជួយមេត្តា ដឹកនាំវាសនាឲ្យបានជួបជិត នឹងគូគាប់ជាប់អស់មួយជីវិត បានរួមក្តីស្នេហ៍ស្និទ្ធ លុះដល់គ្រាអវសាន្ត៕