Вымарай мора прашу і прыйдзі марошкай
Дай заімшэць дай аддацца зялёнай імшы
Што я магу валацуга дзіця скамарошка
Толькі даросламу шоў свае кволыя швы
Што ж Ты трымаеш цяпер гэтай ярасцю гончай
Мне не пад сілу нішто ні займаць ні займець
Дай мне бясконцую восень і рыжую поўнач
Ягадны дол ясны зрок і няісную смерць
Ў ціхай журбе накладаць накладаць жылы ніцям аддаўшы
Верыць у вернасць ды ткаць на ўсіх вечнасці бінт
Ты xто мяне пасяліў у жыцця на паддашку
Ты ж аднаму навучаў мяне ўстань і любі!
Што ж Ты трымаеш цяпер гэтай ярасцю гончай?
Мне не пад сілу нішто ні займаць ні займець
Дай мне бясконцую восень і рыжую поўнач
Ягадны дол ясны зрок і няісную смерць
