歌詞
កូន... ម្ដាយ...!
ឈាមស្រែកស្បែកហៅ ហើយណាកូនណា
ឈាមរត់រកឈាមអាត្មា
កូនប្រុសជីវ៉ា ជីវិតមាសម្តាយ
បន្តោងកកេរ្តិ ជាងម្ភៃឆ្នាំប្លាយ
កូនម្តាយ... អឺយ!
ឈាមស្រែក ហៅហើយណាកូន
ថ្វីបើជួបគ្នា ក្នុងគ្រា ទុក្ខភ័យ
ម្តាយក៏ សែនអរណាស់ថ្លៃ
ជួបហើយម្តាយក្ស័យ ក៏ពេញចិត្តដែរ
តែស្តាយមិនបានឃើញកូនមាសស្នេហ៍
សងឈាម ជួសម៉ែ
ឱ្យម៉ែឃើញ នឹងភ្នែកស្រស់
កូន... ម្តាយ...!
អ្នក... ម្តាយ...!
កូនសូមសច្ចា សងសឹកឱ្យបាន
ភ្លើងកំហឹងឆេះឆាប ពេញប្រាណ
ប្រហារចោរចិត្ត សាមាន្យ
សងឈាមឱ្យបាន ណាម្តាយ
ព្រះម៉ែមានគុណ ធ្ងន់លើសផែនដី
ព្រឹកល្ងាច ព្រលប់ យប់ថ្ងៃ
ចង់ជួបម្តាយថ្លៃ គ្មានថ្ងៃរសាយ
ឥឡូវជួបហើយ អនិច្ចាអ្នកម្តាយ
ឈាមជោគ ពេញកាយ
កូនស្តាយជួយម្តាយមិនទាន់
កុំគិតម្តាយថ្លៃ ណាព្រលឹងអឺយ
ម្តាយជិតខានឃើញ កូនហើយ
ម៉ែអើយ កូនស្តាយម្តាយណាស់
កូនត្រូវតម្កល់ ម្តាយក្នុងមឈូសមាស
កូនម្តាយ ចាំច្បាស់
សងឈាម... ណាកូន
កូន... ម្តាយ...!
Written by: Sinn Sisamouth
