ឋានសួគ៌របស់យើង

រាត្រី នេះមានចន្ទរះ

ពន្លឺច្បាស់ ត្រចះពេញអស់វេហា

ចាំងឆ្លុះ ពេញគង្គា

នាំឱ្យចិន្ដា រីករាយនឹង គយគន់

មើលចុះអស់ធម្មជាតិពណ៌ស្រស់ ស្រទន់

សប្បាយ ពេកពន់

សប្បាយពេកពន់ គន់មើលចន្ទ្រា

ចន្ទអើយចន្ទល្អ ម្ល៉េះទេ

បើបានរួមប្រាណ ម្ល៉េះសមសុខា

ខ្ញុំជាទន្សាយ សប្បាយ

រស់ក្នុងចន្ទថ្លា សូមចន្ទមេត្តាខ្ញុំផង

បើចន្ទ្រា ប្រែអស់រស្មី

ទន្សាយស៊ូ ស្លាប់តាមចន្ទថ្លៃ

ជឿម្ដេចបាន ពាក្យដែលប្រុសស្តី

បងស្បថជូនស្រី ណាស្រស់នួនល្អង

នាំសៅហ្មង បើមិនដូចថា

ទន្សាយស្នេហ៍ ស្មោះណាចន្រ្ទា

ផ្កាយរយពាន់ ម្ដេចមិនប្រាថ្នា

ស្នេហ៍តែចន្រ្ទា មិនអាចប្រែបាន

រាត្រីរនោច ចន្ទអភ័ព្វ

ទន្សាយស៊ូស្លាប់ កើតជាពពក

បើចន្ទមិនបាន ចេញបំភ្លឺលោក

ពពកហោះតាម រកចន្ទ

ស្អប់ណាស់ប្រុសណា ថាបំពាន

ព្រោះតែ ចង់បានស្នេហ៍ពីកល្យាណ

ទើបហ៊ានឆ្លើយ

មើលចន្ទរះរាខ្ពស់ណាស់

ភ្លឺច្បាស់ អណ្ដែតតែក្នុងឋានឆ្ងាយ

ទោះជីវិតស្លាប់ មិនស្ដាយ

ឱ! ទន្សាយ សប្បាយនឹងដួងចន្ទ

ឱ្យបងភាំងភាន់ ព្រោះសម្រស់ ចន្រ្ទា

នេះជា ពាក្យពិតចេញពីដួងចិត្តបងទន្សាយថ្លៃ

ទន្សាយខ្ញុំ និយាយពិត

ស្មោះអស់ ពីចិត្តណាដួង ចន្ទ

នេះជាឋានសួគ៌ នៃយើង

មែនឬ ដួងចន្ទ

ពិតមែន

ពិតជា ឋានសួគ៌នៃយើង