يا زين

يا زين يا للي من فؤادي تمكنت

يا للي جمالك بالتواصيف ذبّاح

 

من يوم شفتك يا هوى البال ما نمت

ما غمضت لي عين والعقل سرّاح

 

انشد مواويل الهوى وين ما كنت

دايم وقلبي بالمناجاة صدّاح

 

طيفك غرامي لا ذكرته تطمنت

يسرح خيال وما على الوقت رواح

 

من مبسمك ريح الخزامى تشممت

وانت الوحيد بنادر العطر فواح

 

في ذمتي مثلك من الخلق ما شفت

يا نادر ٍ بالناس والخد تفاح

 

انا اشهد اني في جمالك تولعت

وزاد الغرام و صار للحب فضاح

 

يا سعد قلبي لين جيتك وسلمت

راضي اضمك بين الاضلاع سواح

 

يا ليتني في منيتي لك تقدمت

قلبي صبور ولكن السد ينباح

 

ما لاق لي غيرك من الناس واقسمت

ولو لا الهوا ما بالسماء الطير سباح