Tiqbayliyin

Ad cekkreɣ Tiqbayliyin

ṭṭaɛa d zzin

fell-akent ɣennan ccuɛaṛa

A tijeǧǧigin n tudrin

a sser n tsekrin

deg wul tettaǧǧamt limaṛa

Lḥesnawi yettleḥḥin

ah ɣef tgujilin

ad kent-iɛeyyec ṛebbi meṛṛa

ah tṣebremt neẓra

ɣer-kent lḥeqq mebla lhedṛa

Lwexda m’ ara d-ɛeddint

leǧwahi n tmeddit

ad nejjmaɛent deg lḥaṛa

tin isɛan lwali temmekti-t

imeṭṭi d talwit

ul-is irkeb-it leḥṛaṛa

teqqar-as lɣerba temlek-it

ah ddunit twet-it

nṛuḥ nḍaɛ d lexṣara

ah tṣebremt neẓra

ɣer-kent lḥeqq nebla lhedṛa

ah tṣebremt neẓra

ɣer-kent lḥeqq nebla lhedṛa