Бороо

Сормусанд согтсон солонго билээ би

Харцанд нялхарсан хайр билээ чи

Уруулд чинь уусч хайрлахсан

Би тэнгэрийн бороо

Санчигт чинь саатсан наран билээ би

Санаанд эгшиглэх саран билээ чи

Очих бүртээ огших одод билээ

Би тэнгэрийн бороо

 

CHORUS: Анхны бороо би чиний бороо

                  Амраг хайрын тэнгэрийн нулимас

                  Амьдрал чи миний бороо би бороо

 

Хацрыг чинь норгох нулимс билээ би

Халуун янагхан дурлал билээ чи

Алган дээр чинь тогтож хайрлахсан

Би тэнгэрийн бороо

Орчлонг туулах наран билээ би

Ухаанд эгшиглэх саран билээ чи

Бодох бүрдээ огших одод билээ

Би тэнгэрийн бороо

 

Бороо чи юунд бодол нэвчинэ вэ?

Бодол минь юунд нялхрана вэ?

Анхны бороо ахиад л зүсэрнэ

Бороо шивэрнэ