كل الحكاية

كل الحكاية سلام، أهلًا ونظرة عين وفتحنا أي كلام ورغينا يجي ساعتين وساعات تجيب في أيام، وأيام تجيب في سنين إزاي، وإمتى، وفين؟ القلب كان مرعوب من أي حد غريب وبحسه مش مرغوب ومالوش في أي حبيب هنقول إيه في المكتوب والسهم لما يصيب حكم الحاجات دى نصيب يا مغير فيا كل حاجة تعالى يا معيش قلبي حالة فوق الحالة يا دليل إن الكون ده فيه لسه عدالة وجايزة للصابرين يا أرق وأحلى كوبلية جوه أغاني يا أجمل حروف نطقها مرة لساني يا مرجع قلبى يدقلك من تاني واللمعة جوه العين إزاي بقيت موجود جوايا كده في يومين وإزاي بقيت مفروض ع القلب قبل العين وإزاي تهد سدود بانيها أنا في سنين جبت الجراءة منين إزاي سمحت أنا ليك ودخلت جوه الروح وإزاي بنادي عليك بسهولة كده ووضوح وإزاي قصاد معاليك كل الكلام بيروح والصعب بقى مشروح يا مغير فيا كل حاجة تعالى يا معيش قلبي حالة فوق الحالة يا دليل إن الكون ده فيه لسه عدالة وجايزة للصابرين يا أرق وأحلى كوبلية جوه أغاني يا أجمل حروف نطقها مرة لساني يا مرجع قلبى يدقلك من تاني واللمعة جوه العين