يهواك

يهواك قلبي يا مودي

ارجوك تحفظ له وداده

ما غير عينك لي تهدّي

عين الظبي كحل بسواده

يفداك قلبي لو يسدّي

مبناي لك وانته عماده

الحب لك والله معدّي

انتوا مليكه وانتوا ساده

ليت الليالي بس تعدي

محرومه عيني مالوسادة

ليت الامر يا زين عندي

بعطيه انا قلبي مراده

ودي بشوفك صدق ودي

والنظرة منكم لي سعاده

عطني وعد واعطيك عهدي

وهذا وعد بينّا شهاده

مانفترق حبي و سعدي

دام العمر فينا زيادة

منك الامل والله يبدّي

باعيش به كلي جلاده

جنه عسل دايم ع كبدي

باحط للصورة قلاده

ماانساك انا باقي بوعدي

لو الزمن يعلن عناده