البرق

غــيــمٍ وديــــم وبـيـنـهن لـمـعـة الــبـرق

‎وذكرى خيالك تنعكس لي ف الامطار

‎اسهيت في الصورة ابى اعرف الفرق

‎بـيـن الـخيال وبـين شـوفك ب الانـظار

‎كــنـك مــع غـيـم الـمـطر بـيـنكم عــرق

‎تـحـيـي قــلـوبٍ والـمـطر يـنـبت ازهــار

‎مـاجيت واضح جيت لي بالخفا سرق

‎بـيـن الـمطر وعـجزت انـا فـيكم اخـتار

‎تـعـال يــا سـيـد هـل الـغرب والـشرق

‎مــدام طـيـفك يــدري انــي بــه انـثار

‎خـفف بـحر شـوقي قـبل حـزة الـغرق

‎شـوفك يـزيل الـهم وف بـعدك اخـطار

‎جـابـك هــوى قـلبي ولـك خـاطري رق

‎وطـيـفـك تـركـنـي بـيـن جـنـتك والـنـار

‎والـنـار مــا تـترك سـوى خـلفها حـرق

‎والـحرق مـا يـشفى بـدوا كـثر لاعذار

‎فـرق الـشموس الـحارقة وغيمك الزرق

‎بـاخـتار ظـلـك يــا هــوى دام بـاختار

‎يــا جـنـة الـدنـيا ابــى خـلـدكم طـرق

‎واعـيش فـي روض الـهنا جـنب لانهار