حب شيوخ

احبك آنا حب اشيوخ

يم الغيم، اودك

يشوگي وانت تدري الشوگ

فوگ الشوگ اخذته

عليك اتبالش وما اخاف

ماتنعاف انته

انا بگلبي انبنالك بيت

بسمك صار ومالك

وربك ما اخلي انسان

يشغل حبه بالك

ماراح انسى الحب بعمري

وبفراگك اتنفس

گلبي الحبك ماحب گبلك

عاف الحب وأيس

اذا رمل الصحاري انعد

اكول شگد احبك

اكتبك ع الصخر والناس

فوگ المي تگتبك

وبحساب الحياة والموت

غالي وهيچ احسبك

عيني ابغيبتك متنام

وعيب اجفوني تنسد

صحيح الناس يتعوضون

بس ميعوضك أحد

طردت العالم من گلبي وضليت انته الوحدك

ع الموت امشينا ولتفكر گلبي بكلشي يسندك

اگبالي وحيل الك اشتاگ

من عيوني ترمش

وحتى واحنه مختلفين

متفقين كلش

بعدني بيك ما غرگان

بعدني ما امبلش

واذا تسألني شتمنيت؟

اگلك هذا سري

يكون انضل سوه للموت

منتفارگ يعمري

حاسبها واعرف تاليها وميهمني اشراح الگه

سجلني اوياك بكل خطوه وشطبني من الفرگه