روضه بنت مكتوم

لبيه يا دبي تامرني وتنهاني ..

ولَّبيت لدبي قبل الصوت أنا حاضر

دبي اسمي وتاريخي وعنواني ..

دبي ماضي عريق وفتنة الحاضر

دبي ناسي، هلي، ربعي وخلاني ..

دبي أجمل قصيدة تلهم الشاعر

ابوي مكتوم علمني ورباني ..

أفدى ثراها وأنا أخدم اسمها الطاهر

.......

منها تعلمت طيب وجود واحساني ..

ومنها تعلمت كيف أفكر لباكر

ولو بخدم دبي طول العمر مَمداني ..

تستاهل دبي لو جفني لها ساهر

وأنا تنومس إذا أفرحت عرباني ..

وأحاول بكثر مَقدر أوفي القاصر

وأحاول أوقف فخر في موقف إنساني ..

تفخر به الروح ماهو موقفن عابر

.......

روضة أنا بنت مكتوم اللي وصاني ..

أسعى لفرحة قلوب وأسعد الناظر

وأنا لهذا فدى يا دانة أوطاني ..

يا دبي يا أولي ويا عمري الآخر

غلاج فطرة وحبج شي رباني ..

وانتي غذا الروح وانتي بسمة الخاطر

لبيه لبيه من قلبي ووجداني ..

لدبي حاضر وتم وتبشر وتامر.