يعجبني

يعجبني اللي يرد اعتباره

يرده وله ما يطول انتظاره

اذا ضاع له حق يسعى لحقه

ويسترجعه دون ادنى خساره

لمن هو يرد اعتباره مثال

محال انه يرضى بظلم محال

نفسه عزيزة وهذي المعزة

سلاحه على اللي يجيها بناره

يقنعني اللي يحكّم قراره

لعقله ولا تستفزه عبارة

يفكر يقرر يحدد مساره

يحاور يشاور يصلي استخارة

يشمر ويصعد أعالي الجبال

وفي رد حقه يشد الرحال

مهما تعثر يثابر وينهض

فؤاده عقيدة وعقله حضارة

يسعدني اللي يصون انتصاره

بصبر وبالإيمان يحلى اصطباره

يحل أعقد المشكلات بْتأنّي

وحَبكة وحِكمة وفن ومهارة

ينافس ويغلب ويلقى المنال

بحجة قوية وحسْم الجدال

ماضاع حق وخلفه مطالب

ولو كان حقه تراب وحجارة