Махаббатпен Ойнама Сен

Самал желмен тербеледі,

Сенің қара шаштарың.

Ойлайсың ба сенде мені,

Құпияңды ашпадың.

Өмір бойы өзіңменен,

Бір болуды қалаушы ем.

Маған ғашық көзіңменен,

Басқа жанға қараушы ең.

Махаббатпен ойнама сен,

Жас жүректі қинама сен,

Сүйемін деп алдама сен,

Егер мені сүймесең...

Жаңбыр жауған сол бір түнде,

Кеттің неге қарамай?

Айтшы ғашық болдың кімге,

Жүрегімді жаралай.

Кеттің қайда, қайда кеттің?

Іздеп сені таппадым.

Сезіміммен ойнап өттің,

Болдың бірақ тәтті әнім.