Ҡышҡы романс (Зимний романс)

Аҡты ташып, аҡты ярһып ҡар һыуҙары.

Шулдыр инде яҙҙың ташыу ярһыуҙары.

Аҡты беҙҙең ҡар өҫтөндә ҡалған эҙҙәр.

Аҡты илап икәү бергә һалған эҙҙәр.

  Һин ғүмер ағыштары,

  Һин минең һағыштарым,

  Һин минең шатлыҡ илем.

  Юғалтыу табыштары.

  Һин минең һағыштарым.

Яҙҙар килә, яҙҙар китә, һыуҙар аға.

Көндәр аға, айҙар аға, йылдар аға.

Һыуҙарҙың да, айҙарҙың да, йылдарҙың да,

Ағышынан эҙҙәр, ҡала эҙҙәр, ҡала.

  Һин ғүмер ағыштары,

  Һин минең һағыштарым,

  Һин минең шатлыҡ илем.

  Юғалтыу табыштары.

  Һин минең һағыштарым.

Бына инде тағы ергә ҡарҙар яуа.

Бөтә нәмә туңған төҫтә ҡар аҫтында.

Һыуҙар аға, айҙар аға, йылдар аға.

Һине күрәм айҙа, йылдар ҡарашында.

  Һин ғүмер ағыштары,

  Һин минең һағыштарым,

  Һин минең шатлыҡ илем.

  Юғалтыу табыштары.

  Һин минең һағыштарым.