يا صاحبي اوعدني متسبنيش (feat. Gemi)

أنا الشخص اللي كله عيوب، لكن عمري ما أكون خاين

وأنا اللي بطيبتي دي مضروب وزعلي على الجميع هايل

بمثل وأرسم الضحكة عشان مصعبش أنا عليكو

وبرضه بحس بالوحدة برغم وجودي وسطيكو

هصفي معاكو أنا حسابي وأرد في وشكو بابي

على الله تعيشوا في غيابي وتفتكروني لو بالخير

عملت معاكو بزيادة بدون مقابل ولا إفادة

تملي رقبتي سدادة مخدتش غير عدم تقدير

سمعت كلامكو في غيابي ضحكت من اللي أنا سمعته

بقى إنتو صحابي وخواتي، طب إزاي فيا أنا بعتو؟

ده أنا والله ما مصدق ومصدوم فيكو بأمانة

فين التقدير فين المبدأ؟ ودورتوها لخيانة

في قايمة مجمع الأندال وكل اللي في يوم باعني

يا هم ومن حياتي اتشال وجودكم كان مضيعني

مشوفتش منكو ذرة خير عشان عليكو أكون باقي

زرعتوا الشوك في أرض حرير طلعتوا بجد أعدائي

حبست أنا نفسي في الأوضة عشان ملمحش مناظركو

وناوي النية ليكو سودة ووقت رجوعي هفاجئكوا

مسيرها تلف وتجولي لكن سامحوني مش هقدر

هوز عليكو أنا غروري وهوه ماعكو يتصرف

ومش هدي لحد أمان ومش هصفلكو من تاني

ما كنت ممشيها بسلكان مخدتش إلا أحزاني

ده كان عندي صحاب بالكوم ولما وقعت ما شالوني

أوام جابوا عليا اللوم وفجأة بعدوا وسابوني

برش كحول على فوني لقيت أرقامكم اتمسحت

يا صحبة وباء خنقتوني خلاص لعبتكم اتكشفت

وشوش الطيبة مش لايقة وفككوا من دور إخواتي

سيبوني بقى وغوروا في داهية بجد بوظتوا حياتي

خلاص ناوي إن أنا أتجاهل وزيكو سهل هتعامل

مشوفتش حد يستاهل، ده كله أونطة في أونطة

هبص لنفسي ولحالي، لوحدي أريح وأحلالي

وليه أشغل بيكم بالي؟ رجولتي ماعكو كات غلطة

يا صاحبي اوعدني ما تسيبني، معاك عالموت يا بو زمالة

وجودك شيء مطمني، ياد إنت أخوية بأمانة

ماليش غيرك صاحب عمري، معاك لو كله هيبيعك

معايا في ضهري من صغري، متستغربش أنا شقيقك