الهجر

ياشاري الهجر ماوالله تسمع تعال

ولك المشاعر هذا وجهي لا بينتها

مّن الندم لا يجي في بالك آي احتمال

عشرتك في ناظري ماتت وكفنتها

مير اطلب الله يجعلها لحسن المآال

هانت بعيني صراحه بعد ماهنتها

قصتك ماتنسي مهما تطول الليال

قصتك في صفحة النكران دونتها

اللي سرقته من أيامي حلالٍ بَلال

ومسامحك في طعونن فيّ مكنتها

يكفيني انك ماتذكر مني الا الدلال

ويكفيك بإن المحبه حضرتك خنتها

تاكل وتشرب معك من صبح لين الزوال

وتلوم نفسك على وشلون ماصنتها

طبطب على قلبك من الحزن بالابتهال

حاول وروحك ت*ا تفنا ماطمنتها

وان كان هبت نسانيس الهوا من شمال

إذكر مواعيدك اللي معي ( عينتها )

وان صرت ماعاد تلقى للسعاده مجال

وعلى صدا الذكريات دموعك ادمنتها

وشوقك رسم لك طريقٍ للقى والوصال

ومنه المسافات لو هي عام هونتها

حذرا يجيبك عليّ الشوق فآيات حال

تراك حب توطاه الزمن وإنتهى