Туулган жерим турпагым

Каранын кубат кошуп кайрат берген

Кагылам качан болсо сендей жерден

Арубак тоолор аппак

Атыры жерди каптап

Э-э-э-эй гүлдөр жайнап

Жайкалган жашыл төрүм

Чалкайган чатыр көлүм

Э-э-э-эй менин жерим

Жашымдан табиятың суктандырган

Жайкалган жашыл төрүң өзөн жылгаң

Бакыттын нурун сепкен

Балалык күнүм өткөн

Э-э-э-эй баарын эстейм

Ат-Башым туулган жерим

Ардактап сүйгөн элим

Э-э-э-эй баалаң менмин

Көркөмүң көз тойдурган Ак-Сай, Арпа

Көрсөм деп көңүл дегдеп кайра-кайра

Ат-Башым шаарым Нарын

Армансыз жана шаарым

Э-э-э-эй жанган шамым

Асыл ыр силер үчүн

Адамдык болгон күчүм

Э-э-э-эй арнайм баарын

Асыл ыр силер үчүн

Адамдык болгон күчүм

Э-э-э-эй арнайм баарын, арнайм баарын